ആധാർ നമ്പർ ബാങ്ക് അക്കൗണ്ടുമായി ബന്ധിപ്പിക്കുന്നത് ആധാർ അടിസ്ഥാനമാക്കിയുള്ള വെരിഫിക്കേഷനും ബെനിഫിറ്റ് ട്രാൻസ്ഫർ സിസ്റ്റങ്ങൾക്കും നിങ്ങളുടെ ഐഡന്‍റിറ്റിയും അക്കൗണ്ടും ഒന്നിച്ച് ബന്ധിപ്പിച്ചിരിക്കുന്നു എന്നാണ് അർത്ഥമാക്കുന്നത്.

ഡയറക്ട് ബെനിഫിറ്റ് ട്രാൻസ്ഫറുകൾക്ക് (DBT) ആധാർ സീഡിംഗ് ആവശ്യമാണ്. പെൻഷൻ, ഗ്യാസ് സബ്‌സിഡികൾ പോലുള്ള സബ്‌സിഡികളും ആനുകൂല്യങ്ങളും നിങ്ങളുടെ ബാങ്ക് അക്കൗണ്ടിലേക്ക് നേരിട്ട് അയക്കാൻ ഈ പ്രക്രിയ സർക്കാരിനെ അനുവദിക്കുന്നു. തട്ടിപ്പ് തടയുന്നതിലും, ഡ്യൂപ്ലിക്കേറ്റുകൾ നീക്കം ചെയ്ത് ബാങ്ക് ഡാറ്റാബേസുകൾ ക്ലീൻ ചെയ്യുന്നതിലും , ആധാർ അടിസ്ഥാന ഒതന്‍റിക്കേഷൻ ഉപയോഗിച്ച് സുരക്ഷ വർദ്ധിപ്പിക്കുന്നതിലും ഫൈനാൻഷ്യൽ ഇൻക്ലൂഷൻ പ്രോത്സാഹിപ്പിക്കുന്നതിലും ഇത് ഒരു പ്രധാന പങ്ക് വഹിക്കുന്നു.

UIDAI പോർട്ടൽ സന്ദർശിച്ച് നിങ്ങളുടെ ആധാർ സീഡിംഗ് സ്റ്റാറ്റസ് ഓൺലൈനിൽ എളുപ്പത്തിൽ പരിശോധിക്കാം. ആധാർ സർവ്വീസസ് പേജിലേക്ക് പോകുക, ആധാർ നമ്പർ എന്‍റർ ചെയ്യുക, രജിസ്റ്റേർഡ് മൊബൈൽ നമ്പറിലേക്ക് അയച്ച OTP ഉപയോഗിച്ച് വെരിഫൈ ചെയ്യുക. അത് ചെയ്തു കഴിഞ്ഞാൽ, ആധാർ നിങ്ങളുടെ എച്ച് ഡി എഫ് സി ബാങ്ക് അക്കൗണ്ടുമായി വിജയകരമായി ലിങ്ക് ചെയ്തിട്ടുണ്ടോ എന്ന് പോർട്ടൽ നിങ്ങളെ അറിയിക്കും.

എച്ച് ഡി എഫ് സി ബാങ്ക് ഉപഭോക്താക്കൾക്ക് ഇൻസ്റ്റ സേവനങ്ങൾ ഉപയോഗിച്ച് അവരുടെ ആധാർ എളുപ്പത്തിൽ ലിങ്ക് ചെയ്യാം. ഇൻസ്റ്റ സർവ്വീസസ് വെബ്പേജ് സന്ദർശിക്കുക, ആധാർ സീഡിംഗ് ഓപ്ഷൻ തിരഞ്ഞെടുക്കുക, ആവശ്യമായ വിശദാംശങ്ങൾ പൂരിപ്പിച്ച് നിങ്ങളുടെ അഭ്യർത്ഥന ഓൺലൈനിൽ സമർപ്പിക്കുക. ഇതിലൂടെ, ബ്രാഞ്ചിലേക്ക് പോകാതെ നിങ്ങളുടെ ആധാർ സുരക്ഷിതമായി കണക്ട് ചെയ്യാം.

ഫിക്‌സഡ് ഡിപ്പോസിറ്റ് (FD) പോലുള്ള എല്ലാ ബാങ്ക് അക്കൗണ്ടുമായോ ഫൈനാൻഷ്യൽ ഉൽപ്പന്നവുമായോ നിങ്ങളുടെ ആധാർ ലിങ്ക് ചെയ്യേണ്ടതില്ല. എന്നാൽ, നിങ്ങൾക്ക് ഏതെങ്കിലും സർക്കാർ ആനുകൂല്യങ്ങൾ അല്ലെങ്കിൽ സബ്‌സിഡികൾ ലഭിക്കണമെങ്കിൽ, ആധാർ കാർഡ് സീഡ് ചെയ്യേണ്ടത് അത്യാവശ്യമാണ്.