ಭಾರತದಲ್ಲಿ ರೆಸ್ಟೋರೆಂಟ್ ತೆರೆಯುವ ವೆಚ್ಚ

ಭಾರತೀಯ ಆಹಾರ ಕ್ಷೇತ್ರವು ವೇಗವಾಗಿ ವಿಕಸನಗೊಳ್ಳುತ್ತಿದೆ, ಗ್ರಾಹಕರು ವಿಶೇಷ ಪಾಕಪದ್ಧತಿಯ ಅನುಭವಗಳನ್ನು ಹೆಚ್ಚಾಗಿ ಬಯಸುತ್ತಿದ್ದಾರೆ. ಈ ಬೆಳೆಯುತ್ತಿರುವ ಬೇಡಿಕೆಯನ್ನು ಪೂರೈಸಲು ವಿಶಿಷ್ಟ ರೆಸ್ಟೋರೆಂಟ್‌ಗಳು ವೇಗವಾಗಿ ಹುಟ್ಟಿಕೊಳ್ಳುತ್ತಿವೆ. ಒಂದು ಕಾಲದಲ್ಲಿ ರಿಯಲ್ ಎಸ್ಟೇಟ್ ಕಚೇರಿಯಾಗಿದ್ದದ್ದು ಈಗ ಹೆಮ್ಮೆಯಿಂದ ಫ್ಯೂಷನ್ ಕೆಫೆ ಆಗಿ ತನ್ನ ಪರಿವರ್ತನೆಯನ್ನು ಘೋಷಿಸುತ್ತದೆ; ರಸ್ತೆಯ ತುದಿಯಲ್ಲಿ ಇರುವ ಖಾಲಿ ಜಾಗವು ಶೀಘ್ರದಲ್ಲೇ ಮೈಕ್ರೋಬ್ರಿವರಿ ಆಗಲಿದೆ, ಮತ್ತು ಹತ್ತಿರದ ಹೊಸ ಕಟ್ಟಡವು ವಿವಿಧ ದೇಶಗಳ ಅಪೂರ್ವ ಪಾಕಪದ್ಧತಿಗಳ ಕೇಂದ್ರವಾಗುವ ಭರವಸೆ ನೀಡುತ್ತದೆ.

ಭಾರತದ ಆಹಾರ ಪ್ರೇಮಿಗಳಿಗೆ ಇದು ಅತ್ಯಂತ ಉತ್ಸಾಹಭರಿತ ಕಾಲ. ಆದರೆ ಸುದ್ದಿಗಳು ಕೇವಲ ಪಾಕಶಾಸ್ತ್ರದ ಉತ್ಸಾಹಿಗಳಿಗೆ ಮಾತ್ರವಲ್ಲ. ನೀವು ನಿಮ್ಮ ಸ್ವಂತ ಬಿಸಿನೆಸ್ ಪ್ರಾರಂಭಿಸಲು ಯೋಚಿಸುತ್ತಿದ್ದರೆ, ಆಹಾರ ಉದ್ಯಮವನ್ನು ಪ್ರವೇಶಿಸುವುದು ಭರವಸೆಯ ಅವಕಾಶವಾಗಿರಬಹುದು. ಆದಾಗ್ಯೂ, ಉದ್ಯಮಕ್ಕೆ ಧುಮುಕುವ ಮುನ್ನ, ರೆಸ್ಟೋರೆಂಟ್ ಸ್ಥಾಪಿಸುವಲ್ಲಿ ಒಳಗೊಂಡಿರುವ ವೆಚ್ಚಗಳನ್ನು ಅರ್ಥ ಮಾಡಿಕೊಳ್ಳುವುದು ಮುಖ್ಯವಾಗಿದೆ.

ಯಾವುದೇ ಸರಳ ಉತ್ತರವಿಲ್ಲ. ಲೊಕೇಶನ್, ರೆಸ್ಟೋರೆಂಟ್ ಗಾತ್ರ, ಪರಿಕಲ್ಪನೆ, ಸಾಮಗ್ರಿಗಳು ಮತ್ತು ಸಿಬ್ಬಂದಿ ಅಗತ್ಯಗಳಂತಹ ಹಲವಾರು ಅಂಶಗಳ ಆಧಾರದ ಮೇಲೆ ವೆಚ್ಚಗಳು ವ್ಯಾಪಕವಾಗಿ ಬದಲಾಗುತ್ತವೆ. ನೀವು ಕಾಸಿ ಕಾಫಿ ಶಾಪ್ ಅಥವಾ ಪೂರ್ಣ-ಸರ್ವಿಸ್ ಫ್ಯಾಮಿಲಿ ರೆಸ್ಟೋರೆಂಟ್ ಅನ್ನು ಯೋಜಿಸುತ್ತಿದ್ದರೆ, ಈ ಅಂಶಗಳು ನಿಮ್ಮ ಬಜೆಟ್ ಮೇಲೆ ಗಮನಾರ್ಹವಾಗಿ ಪರಿಣಾಮ ಬೀರುತ್ತವೆ.

ಪ್ರಮುಖ ಪರಿಗಣನೆಗಳು ಇಲ್ಲಿವೆ:

1. ಬಂಡವಾಳ 

ಉದ್ಯಮವು ಸ್ವಂತ-ಹಣದಿಂದ ಆರಂಭಗೊಂಡಿದ್ದಾಗಿರಲಿ ಅಥವಾ ಪಾಲುದಾರಿಕೆಯಾಗಿರಲಿ, ನೀವು ರೆಸ್ಟೋರೆಂಟ್ ಬಿಸಿನೆಸ್‌ಗಾಗಿ ಬ್ಯಾಂಕ್ ಲೋನ್‌ಗೆ ಅರ್ಜಿ ಸಲ್ಲಿಸಬಹುದು. A ಎಚ್ ಡಿ ಎಫ್ ಸಿ ಬ್ಯಾಂಕ್‌ನಿಂದ ಬಿಸಿನೆಸ್ ಲೋನ್  ರೆಸ್ಟೋರೆಂಟ್ ಆಗಿ ನಿಮ್ಮ ಪ್ರಯಾಣವನ್ನು ಪ್ರಾರಂಭಿಸಲು ಉತ್ತಮ ಮಾರ್ಗವಾಗಿದೆ. ಆರಂಭಿಕ ಹೂಡಿಕೆಯನ್ನು ಪಡೆಯಲು ಇರುವ ಇನ್ನೊಂದು ಮಾರ್ಗವೆಂದರೆ ಹೂಡಿಕೆದಾರರನ್ನು ಹುಡುಕುವುದು. ಆದರೆ, ನೀವು ಬಿಸಿನೆಸ್‌ ಕ್ಷೇತ್ರಕ್ಕೆ ಹೊಸಬರಾಗಿದ್ದರೆ ಇದು ಕಷ್ಟಕರವಾಗಿರಬಹುದು.

2. ಖರೀದಿ ಅಥವಾ ಬಾಡಿಗೆ? 

ಮೊದಲು ಲೊಕೇಶನ್ ಹುಡುಕಿ. ನೀವು ನಿಮ್ಮ ರೆಸ್ಟೋರೆಂಟ್ ಅನ್ನು ಎಲ್ಲಿ ತೆರೆಯಲು ಬಯಸುತ್ತೀರಿ ಎಂದು ನೀವು ನಿರ್ಧರಿಸಿದ ನಂತರ, ಆವರಣವನ್ನು ಖರೀದಿಸಬೇಕೇ ಅಥವಾ ಬಾಡಿಗೆಗೆ ಪಡೆಯಬೇಕೇ ಎಂಬುದನ್ನು ನಿರ್ಧರಿಸಿ. ಎರಡೂ ರೀತಿಯಲ್ಲಿ, ಇದು ಗಮನಾರ್ಹ ವೆಚ್ಚವಾಗಿದೆ. ಮಾಸಿಕ EMI/ಬಾಡಿಗೆಯು ನಿಗದಿತ ಮಾಸಿಕ ವೆಚ್ಚವಾಗಿದ್ದು, ನಿಮ್ಮ ಹಣಕಾಸಿನ ಮೇಲೆ ಗಣನೀಯ ಒತ್ತಡ ಉಂಟು ಮಾಡಬಹುದು. ಆದ್ದರಿಂದ ಬಿಸಿನೆಸ್ ಲೋನ್ ಸಹಾಯಕವಾಗಬಹುದು. 

3. ಸಿಬ್ಬಂದಿ 

ರೆಸ್ಟೋರೆಂಟ್ ಆರಂಭಿಸಲು ಪಟ್ಟಿಯಲ್ಲಿರುವ ಮುಂದಿನ ಕೆಲಸ ನಿಮ್ಮ ಕೆಲಸಗಾರರ ತಂಡವನ್ನು ಕಟ್ಟಿಕೊಳ್ಳುವುದು. ನಿಮ್ಮ ರೆಸ್ಟೋರೆಂಟ್ ಅನ್ನು ಸರಾಗವಾಗಿ ನಡೆಸಲು ನೀವು ಕೌಶಲ್ಯಯುತ ಉದ್ಯೋಗಿಗಳನ್ನು ನೇಮಿಸಬೇಕು ಮತ್ತು ಉಳಿಸಿಕೊಳ್ಳಬೇಕು. ರೆಫರಲ್‌ಗಳು, ಪತ್ರಿಕೆ ಜಾಹೀರಾತುಗಳು ಅಥವಾ ಆನ್‌ಲೈನ್ ಉದ್ಯೋಗ ಪ್ರಕಟಣೆಗಳ ಮೂಲಕ ನೇಮಕಾತಿಯನ್ನು ಮಾಡಬಹುದು. ಪ್ರತಿಭಾವಂತ ಸಿಬ್ಬಂದಿಯನ್ನು ಆಕರ್ಷಿಸಲು ಮತ್ತು ಉಳಿಸಿಕೊಳ್ಳಲು ಸಂಬಳಗಳು, ವಾರ್ಷಿಕ ಬೋನಸ್‌ಗಳು ಮತ್ತು ಇತರ ಪರಿಹಾರಕ್ಕಾಗಿ ಬಜೆಟ್ ರೂಪಿಸುವುದನ್ನು ಪರಿಗಣಿಸಿ.

4. ಸಲಕರಣೆ 

ನಿಮ್ಮ ರೆಸ್ಟೋರೆಂಟ್‌ಗೆ ಉತ್ತಮ ಗುಣಮಟ್ಟದ ಅಡುಗೆಮನೆ ಸಲಕರಣೆಗಳ ಅಗತ್ಯವಿರುತ್ತದೆ. ದಕ್ಷತೆ, ಸುರಕ್ಷತೆ ಮತ್ತು ಸ್ಥಿರತೆಗಾಗಿ ಉತ್ತಮ ಗುಣಮಟ್ಟದ ಅಡುಗೆಮನೆ ಸಲಕರಣೆಗಳು ನಿರ್ಣಾಯಕವಾಗಿವೆ. ಈ ಅಗತ್ಯ ಸಲಕರಣೆಗಳು ವಾಣಿಜ್ಯ ಓವನ್‌ಗಳು, ಸ್ಟವ್‌ಗಳು, ರೆಫ್ರಿಜರೇಟರ್‌ಗಳು, ಡಿಶ್‌ವಾಶರ್‌ಗಳು ಮತ್ತು ಫುಡ್ ಪ್ರೊಸೆಸರ್‌ಗಳನ್ನು ಒಳಗೊಂಡಿವೆ. ವಿಶ್ವಾಸಾರ್ಹ ಅಪ್ಲಾಯನ್ಸ್‌ಗಳಲ್ಲಿ ಹೂಡಿಕೆ ಮಾಡುವುದರಿಂದ ಬಾಳಿಕೆ ಬರುತ್ತವೆ, ಡೌನ್‌ಟೈಮ್ ಕಡಿಮೆಯಾಗುತ್ತದೆ ಮತ್ತು ಅಡುಗೆಮನೆಯ ಒಟ್ಟಾರೆ ಕಾರ್ಯಕ್ಷಮತೆ ಹೆಚ್ಚುತ್ತದೆ.

ಇದು ಆರಂಭದಲ್ಲಿ ಜೇಬಿಗೆ ಭಾರವೆನಿಸಬಹುದು, ಆದರೆ ದೀರ್ಘಾವಧಿಯಲ್ಲಿ ತನ್ನ ಖರ್ಚನ್ನು ತಾನೇ ನೋಡಿಕೊಳ್ಳುತ್ತದೆ. ಹೊಸ ಸಲಕರಣೆಗಳು ನಿಮಗೆ ತೆರಿಗೆ ಪ್ರಯೋಜನಗಳನ್ನು ಕೂಡ ಒದಗಿಸಬಹುದು. ನಿಮ್ಮ ಎಲ್ಲಾ ಅಗತ್ಯ ಸಲಕರಣೆಗಳನ್ನು ಖರೀದಿಸಲು ಎಚ್ ಡಿ ಎಫ್ ಸಿ ಬ್ಯಾಂಕ್‌ನಿಂದ ಬಿಸಿನೆಸ್ ಲೋನ್ ಪಡೆಯಿರಿ.

5. ಅಲಂಕಾರ ಮತ್ತು ಪೀಠೋಪಕರಣಗಳು 

ನಿಮ್ಮ ಥೀಮ್ ಗ್ರಂಜ್ ಆಗಿರದ ಹೊರತು, ಗ್ರಾಹಕರನ್ನು ಆಕರ್ಷಿಸಲು ನೀವು ಉತ್ತಮವಾಗಿ ವಿನ್ಯಾಸಗೊಳಿಸಲಾದ, ಸುಂದರವಾಗಿ ಅಲಂಕರಿಸಿದ ರೆಸ್ಟೋರೆಂಟ್‌ಗಾಗಿ ಹೂಡಿಕೆ ಮಾಡಬೇಕಾಗುತ್ತದೆ. ತಜ್ಞ ಇಂಟೀರಿಯರ್ ಡೆಕೋರೇಟರ್ ನೇಮಿಸಿ, ಮತ್ತು ನೀವು ಹೂಡಿಕೆ ಮಾಡುತ್ತಿರುವ ಪೀಠೋಪಕರಣಗಳು ಮತ್ತು ಇತರ ಅಲಂಕಾರಿಕ ಸಾಮಗ್ರಿಗಳು ಉತ್ತಮ ಗುಣಮಟ್ಟದವು ಎಂದು ಖಚಿತಪಡಿಸಿಕೊಳ್ಳಿ.

6. ಪರವಾನಗಿಗಳು 

ಭಾರತದಲ್ಲಿ ರೆಸ್ಟೋರೆಂಟ್ ಬಿಸಿನೆಸ್ ಪ್ರಾರಂಭಿಸಲು ನಿಮಗೆ ಈ ಕೆಳಗಿನ ಪರವಾನಗಿಗಳ ಅಗತ್ಯವಿರುತ್ತದೆ:

• FSSAI ಲೈಸೆನ್ಸ್ : ಭಾರತೀಯ ಆಹಾರ ಸುರಕ್ಷತೆ ಮತ್ತು ಮಾನದಂಡಗಳ ಪ್ರಾಧಿಕಾರದಿಂದ ಒದಗಿಸಲ್ಪಡುವ ಈ ಲೈಸೆನ್ಸ್, ನಿಮ್ಮ ಆಹಾರವು ಸುರಕ್ಷತೆ ಮತ್ತು ಗುಣಮಟ್ಟದ ಮಾನದಂಡಗಳನ್ನು ಪೂರೈಸುತ್ತದೆ ಎಂದು ಖಚಿತಪಡಿಸುತ್ತದೆ.
• ಈಟಿಂಗ್ ಹೌಸ್ ಲೈಸೆನ್ಸ್: ಸಾರ್ವಜನಿಕರಿಗೆ ಆಹಾರ ಮತ್ತು ಪಾನೀಯಗಳನ್ನು ಒದಗಿಸುವ ರೆಸ್ಟೋರೆಂಟ್‌ಗಳಿಗೆ ಅಗತ್ಯವಿದೆ.
• ಆರೋಗ್ಯ/ಟ್ರೇಡ್ ಲೈಸೆನ್ಸ್: ನಿಮ್ಮ ರೆಸ್ಟೋರೆಂಟ್ ಇರುವ ಸ್ಥಳೀಯ ಪುರಸಭೆ ಪ್ರಾಧಿಕಾರ ಅಥವಾ ಪಂಚಾಯತಿಯಿಂದ ನೀಡಲಾಗುತ್ತದೆ
• ಮದ್ಯದ ಲೈಸೆನ್ಸ್: ನೀವು ಆಲ್ಕೋಹಾಲಿಕ್ ಪಾನೀಯಗಳನ್ನು ಒದಗಿಸಲು ಬಯಸಿದರೆ, ಇದು ಅಗತ್ಯವಿದೆ.
• GST ನೋಂದಣಿ
• ಪರಿಸರ ಅನುಮತಿ ಲೈಸೆನ್ಸ್: ನಿಮ್ಮ ಕಾರ್ಯಾಚರಣೆಗಳು ಪರಿಸರದ ನಿಯಮಾವಳಿಗಳನ್ನು ಅನುಸರಿಸುವುದನ್ನು ಖಚಿತಪಡಿಸುತ್ತದೆ.
• ಬೆಂಕಿ ಸುರಕ್ಷತಾ ಪರವಾನಗಿ
• ಲಿಫ್ಟ್ ಲೈಸೆನ್ಸ್: ನಿಮ್ಮ ರೆಸ್ಟೋರೆಂಟ್ ಲಿಫ್ಟ್ ಒಳಗೊಂಡಿದ್ದರೆ ಅಗತ್ಯವಿದೆ.
   

ರೆಸ್ಟೋರೆಂಟ್ ವಿಧವನ್ನು ಅವಲಂಬಿಸಿ ಈ ಲೈಸೆನ್ಸ್‌ಗಳನ್ನು ಪಡೆಯುವ ವೆಚ್ಚವು ಬದಲಾಗುತ್ತದೆ. ಉದಾಹರಣೆಗೆ, ಮದ್ಯದ ಲೈಸೆನ್ಸ್ ದುಬಾರಿಯಾಗಿರಬಹುದು. ಮುಂಚಿತವಾಗಿ ಅಪ್ಲೈ ಮಾಡಿ, ಏಕೆಂದರೆ ಅವುಗಳಲ್ಲಿ ಕೆಲವು ಸಮಯ ತೆಗೆದುಕೊಳ್ಳಬಹುದು.

7. ಆಹಾರದ ವೆಚ್ಚಗಳು 

ಊಟವನ್ನು ತಯಾರಿಸಲು ನಿಮಗೆ ಪ್ರತಿದಿನ ಹೊಸ ದಿನಸಿಯ ಅಗತ್ಯವಿರುತ್ತದೆ. ಸಾಮಾನ್ಯವಾಗಿ, ರೆಸ್ಟೋರೆಂಟ್‌ನಲ್ಲಿ, ದೈನಂದಿನ ಆಹಾರದ ವೆಚ್ಚವು ಮೆನುವಿನಲ್ಲಿ ಕೊಟ್ಟ ಬೆಲೆಯ ಸುಮಾರು 30-40% ಆಗಿರುತ್ತದೆ. ನೀವು ಏನನ್ನು ಸರ್ವ್ ಮಾಡಲು ಯೋಜಿಸುತ್ತೀರಿ ಎಂಬುದನ್ನು ತಿಳಿದಿರುವುದು ವೆಚ್ಚಗಳನ್ನು ಹೇಗೆ ನಿಯಂತ್ರಿಸುವುದು ಎಂಬುದನ್ನು ನಿರ್ಧರಿಸಲು ನಿಮಗೆ ಸಹಾಯ ಮಾಡುತ್ತದೆ. ಯಾವಾಗಲೂ ಇಬ್ಬರು ಅಥವಾ ಮೂವರು ಮಾರಾಟಗಾರರನ್ನು ಹೊಂದಿರಿ, ಆಗ ನೀವು ಬೆಲೆಗಳನ್ನು ಹೋಲಿಕೆ ಮಾಡಬಹುದು ಮತ್ತು ಒಂದು ವೇಳೆ ಒಬ್ಬರು ತಲುಪಿಸಲು ವಿಫಲವಾದಲ್ಲಿ ಬ್ಯಾಕಪ್ ಹೊಂದಬಹುದು.

8. ADS ಮತ್ತು ಮಾರ್ಕೆಟಿಂಗ್ 

ಈಗ ನೀವು ನಿಮ್ಮ ರೆಸ್ಟೋರೆಂಟ್ ಆರಂಭಿಸಲು ಸಿದ್ಧರಾಗಿದ್ದೀರಿ, ಈ ವಿಷಯವನ್ನು ನೀವು ಜನರಿಗೆ ತಿಳಿಸಬೇಕು. ಇದನ್ನು ಮಾಡಲು ಒಂದು ಮಾರ್ಗವೆಂದರೆ ಬಾಯಿ ಮಾತಿನ ಮೂಲಕ - ಸ್ನೇಹಿತರು ಮತ್ತು ಕುಟುಂಬಕ್ಕೆ ಸಹಾಯ ಮಾಡಲು ಕೇಳಿ. ನಿಮ್ಮ ಗ್ರಾಹಕರನ್ನು ತಲುಪಲು ಆನ್‌ಲೈನ್ ಮತ್ತು ಆಫ್ಲೈನ್ ಮಾಧ್ಯಮವನ್ನು ಬಳಸುವುದು ಇನ್ನೊಂದು. ADS ಮತ್ತು ಮಾರ್ಕೆಟಿಂಗ್‌ಗಾಗಿ ನಿಮ್ಮ ಆದಾಯದ 1-2% ಕ್ಕಿಂತ ಹೆಚ್ಚು ಖರ್ಚು ಮಾಡಬೇಡಿ.

ಯಶಸ್ವಿ ರೆಸ್ಟೋರೆಂಟ್ ನಡೆಸುವುದು ಸುಲಭವಲ್ಲ. ನೀವು ಆರಂಭದಲ್ಲಿ ಅನೇಕ ವೆಚ್ಚಗಳನ್ನು ಹೊಂದಿರುತ್ತೀರಿ, ಆದರೆ ನೀವು ಬಜೆಟ್ ರಚಿಸಿದರೆ ಮತ್ತು ಅದಕ್ಕೆ ಅಂಟಿಕೊಂಡರೆ, ನೀವು ವೆಚ್ಚಗಳನ್ನು ಕನಿಷ್ಠವಾಗಿ ಇರಿಸಿಕೊಳ್ಳಲು ಸಾಧ್ಯವಾಗುತ್ತದೆ. ಮತ್ತು ನೀವು ನಿರಂತರವಾಗಿ ಉತ್ತಮ ಆಹಾರವನ್ನು ತಲುಪಿಸಬಹುದಾದರೆ, ಗ್ರಾಹಕರು ಮುಂದೆ ಬರುತ್ತಾರೆ!

ಎಚ್ ಡಿ ಎಫ್ ಸಿ ಬ್ಯಾಂಕ್ ಬಿಸಿನೆಸ್ ಲೋನಿಗೆ ಅಪ್ಲೈ ಮಾಡುವುದು ಈಗ ಸರಳವಾಗಿದೆ! ಕ್ಲಿಕ್ ಮಾಡಿ ಇಲ್ಲಿ ಕ್ಲಿಕ್ ಮಾಡಿ, ಆರಂಭಿಸಲು.

*ನಿಯಮ ಮತ್ತು ಷರತ್ತುಗಳು ಅನ್ವಯವಾಗುತ್ತವೆ. ಬಿಸಿನೆಸ್ ಲೋನ್ ಅನುಮೋದನೆಯು ಎಚ್ ಡಿ ಎಫ್ ಸಿ ಬ್ಯಾಂಕ್ ಲಿಮಿಟೆಡ್‌ನ ಸ್ವಂತ ವಿವೇಚನೆಗೆ ಒಳಪಟ್ಟಿರುತ್ತದೆ. ಲೋನ್ ವಿತರಣೆಯು ಬ್ಯಾಂಕ್‌ನ ಅವಶ್ಯಕತೆಗಳಿಗೆ ಡಾಕ್ಯುಮೆಂಟೇಶನ್ ಮತ್ತು ಪರಿಶೀಲನೆಗೆ ಒಳಪಟ್ಟಿರುತ್ತದೆ.